सरस्वती-वंदना

सरस्वती-वंदना

___________

हे माँ सरस्वती, हे माँ मैथिल

प्रथम प्रणाम करै छि हे |

कलियुगक अंधियार भगाउ

अहींक शरण आयल छि हे ||

हे माँ महामाया, हे ज्ञानमुद्रा,

मनक भ्रम के दूर करू |

दिय इजोरिया ज्ञान के,

मनक  अन्हरिया दूर करू ||

हे माँ महाविद्या, हे महाभागा,

अहि अज्ञानी के ज्ञान दिय |

छि हम अहींक भरोसे माँ

हमर कर्म के सौभाग्य दिय ||

हे माँ वैष्णवी, हे विशालाक्षी,

सतगुण पर जोर करू |

परा-अपरा के हाथ फेरु

सूतल कुंडली पर चोट करू||

हे माँ महापाशा, हे महाकारा,

हर बाधा स मुक्त करू |

दोष- विकार स  दूर राखु माँ

पथिकक भक्ति स्वीकार करू ||

हे माँ शारदे, हे माँ भारती

भारतक भाग्य उदय करू

सोनक चिरियां, विश्व-गुरु के

फेर से प्रतिष्ठित करू ||

हे माँ सरस्वती, हे माँ मैथिल

प्रथम प्रणाम करै छि हे |

कलियुगक अंधियार भगाउ

अहींक शरण आयल छि हे ||

दिनांक १८.०२.२०१८